სარაცინების ტურნირი XIII საუკუნიდან შემორჩენილი და ჩამოყალიბებული რაინდთა შეჯიბრის ტრადიციაა, რომელიც ჯერ კიდევ აღორძინების ხანიდან გახდა ცნობილი და მას შემდეგ ჰპოვა გავრცელება. იგი თვით დანტეს “ღვთაებრივ კომედია”-შია მოხსენებული. დღეს მას უამრავი ადამიანი ესწრება მთელი მსოფლიოდან, ამ საოცარ სანახაობაზე მოსახვედრად ადგილების დაჯავშნა კი თვეებით ადრე ხდება. თავისი პრესტიჟულობით სიენის მარულას შემდეგ ყველაზე ცნობილ სანახაობად ითვლება იტალიაში.
შეჯიბრებაში მონაწილეობს არეცოს ოთხივე უბანი, რომელთაც თავიანთი გმირები გამოჰყავთ და მთავარი, ისტორიული კარიბჭეების მიხედვით არიან დაყოფილნი:
ფორუმის (Quartiere di Porta del Foro)
წმინდა ანდრიას (Quartiere di Porta Sant’Andrea)
სულიწმინდის (Quartiere di Porta Santo Spirito)
ჯვრის (Quartiere di Porta Crucifera) შემოსასვლელები.
შესაბამისად, ამ კარიბჭეების მიხედვით იყვნენ დაყოფილი ისტორიული არეცოს პროვინციის ტერიტორიები მათზე მოსახლე დიდგვაროვანთა სახლეულობით.
გამარჯვებული უბნის რექტორს გადაეცემა ოქროს შუბი, რომელსაც კათედრალისაკენ მიმართული გამარჯვებულები ქალაქის ქუჩებში შემოატარებენ. ქალაქის მოგებული ნაწილი წარმატებას სახელდახელოდ გამართული ლხინით აღნიშნავს.
ცნობისათვის, დისნეიმ თავის მულტფილმშიც ასახა არეცოს სარაცინების რაინდთა შეჯიბრი.
იტალია 
